بس عن جد شو معنى (دعارة)؟؟

الدعارة والرزالة
(منقولة من صفحة مدري منين.. بشوية تصرف)
– الدعارة مو كم شب وبنت عم يركبوا بعض بالمرجة … مو بنتين عم يصطادوا الزباين بالسبع بحرات …. مو شب ادمن المخدرات …
هي مو دعارة.. هي رزالة، وهي الرزالة موجودة بكل المجتمعات العربية والغربية على مر العصور.
او خلينا نقول: هي دعارة صغرى.
الدعارة الحقيقية والكبرى يا أبو أخلاق هي قطع الكهربا عنك ست سبع ساعات باليوم (ويمكن اكتر)
الدعارة هي أنك توقف متل الكلب تسع ساعات ع طابور الغاز (ويمكن ترجع فاضي)
الدعارة هي انو واحد مليونير عم يبيع وطنيات لواحد فقير لأنو لابس قميص من البالة التركية .. وهالمسكين لا بيعرف انو تركي ولا شي …
الدعارة انو كل سنة بيوعدوك بأنو الشتوية الجاية راح تكون خالية من الازمات وفجأة بتلاقي حالك رجعت متل الكلب توقف ع طوابير المازوت لتتدفا …
الدعارة مو بشبكة تعريص بالمرجة…
الدعارة بطفل مشرد نايم ع أرصفة المرجة ….
الدعارة أنك لما تكتب هالكلام يجوا ويتهموك بوهن عزيمة الأمة والنيل من هيبة الدولة
الدعارة أنو شباب صارلا سنين احتياط وابن فلان مقضيها عربدة بسيارتو وفضى ٣ مخازن براس السنة …
الدعارة لما تبكي من رسائل المحتاجين وعوائل المخطوفين وعوائل الشهداء والجرحى …
الدعارة هي انك تحس بالغربة وانت بوطنك


الدعارة لما تكتب هيك يجي واحد عرص مو معروفة قرعة أبوه من وين يكتب فيك تقرير ويمسحك من الوجود.
الدعارة انو اكبر مدينة بسوريا واقدم مدينة بالعالم تتعامل متل اي ضيعة صغيرة ببلد متخلف!
الدعارة انو كل ما قلبت ع التلفزيون يصيبك مغص من شوية ناس تبيض علينا بالوطنية وحب الوطن وهنن سرقوا وتاجروا بالوطن وعملوا مليارات!
الدعارة انو المسؤلين بهل البلد لا بيشتغلوا ولا بخلوك تشتغل (بخافوا تستلم محلهن)!
الدعارة انو يلقطوا شبكة دعارة كبيرة ومتورط فيها مسؤلين وفنانين وزوجات لمسؤلين سابقين وتتلفلف القصة وتطق برقبة بنت او مرة درويشة كان الكبار يمارسو عهرهم عليها.
الدعارة انو المسؤلين الكبار اول ما بيستلموا منصب بقلعوا كل الكويسين والفهمانين مشان ما يكونوا بدلاء عنهن وبيعتمدوا ع الاغبياء على مبدأ:
((تافه يمكن الاستفادة منه))
———-
بس عن جد شو معنى (دعارة)؟؟

عن صفحة(منير عروق)

This entry was posted in الأدب والفن, ربيع سوريا. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.