بالنهاية ادرس الشي اللي بتحبو.. لأنو إرضاء الناس غاية لا تدرك

صورة ارشيفية جامعة دمشق

شو بتدرس؟
-ادارة اعمال
ييي هيدا اللي كل الفاشلين بفوتو فيها و معبيين البلد
شو بتدرس؟؟
-طب
يا حرام بتعذب حالك 6 سنين… وبكرا اتصال بنص الليل تعمللهم عملية و بدك تقضي حياتك كلا بالدراسة
شو بتدرسي؟؟
-هندسة
شوبدك بهالتخصص.. تخصص شباب
شو بتدرس؟؟
-هندسة
المهندسين معبيين البلد اخرتك تعلق شهادتك عالحيط
شو بتدرس؟؟
-عربي،، إنجليزي،، رياضيات،، معلم صف ،، تربية أطفال ،،علوم عامة
أخرتك أستاذ … وهي الاساتذة معبيين البلد ..يعني بالاخر عالبطالة…رح تقضيها بالدوام وبعدا من تصحيح و تحضير دروس ..
شو بتدرس؟؟
-طب أسنان
شو بدك بهالقرف بتدرس 5 سنين منشان بالاخر تحط ايدك بتم الناس
شو بتدرس؟؟
-إعلام
يعني ناقصك أكشن إنت … وقت الحرب الناس بتقعد و انت بتضل معجوق
شو بتدرس ؟؟
-حقوق ..


يييي لهالدرجة انت ضعيف بالدارسة و تخصص الي ما الو تخصص و راح تقضيها بالمحاكم
شو بتدرس؟؟
-تجارة
لاحق المصاري انت
شو بتدرس ؟؟
صيدلي
يعني دكنجي مثقف
شو بتدرس ؟؟
-محاسبة
يعني كل مصاريك حرام
شو بتدرس؟؟
-كيميا، فيزيا
ناوي تحبس حالك!! واخرتك استاذ
شو بتدرس؟؟
-شريعة
ااااه و عم قول ليش عامل فيها شيخ
شو بتدرس ؟؟
-انا ما بدرس ..انا عامل
هلق لو تعلمت مو احسنلك من هالشغلة والتعب كل اليوم !!
بالنهاية ادرس الشي اللي بتحبو.. لأنو إرضاء الناس غاية لا تدرك….
منقول

نرجو متابعتنا على فيسبوك وتويتر بالضغط على الايقونتين
This entry was posted in فكر حر. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.