بالذمه دى بلد محترمه و لا مسئولين عندهم ذره إحترام للبلد و شعبها ؟؟

فى خضم إنشغال الإعلام المصرى ( الموجه ) بإشتغاله ( فستان رانيا ) حتى يلهو الناس بأى حاجه .
إيطاليا أحيت قضية مواطنها ( جوليو ريجينى ) بشكل جدى بعد مرور 3 سنوات عليها بأن وجهت ( النيابة الإيطالية ) بشكل رسمى التهمه ب ( تعذيب & قتل ) ريجينى ل ( 5 ظباط ) مصريين من ( أمن الدولة & المخابرات ) و تحفظ البيان الإيطالى على أسمائهم للإعلام ( معللا ذلك بالعلاقات الودية بين القاهرة و روما ) !
و مش كده و بس لأ :
كمان ( البرلمان الإيطالى ) أوقف أى تعاون بينه و بين ( البرلمان المصرى ) حتى تستجيب القاهرة لمطالب روما .
و المفروض إن أسرة ريجينى ستعقد مؤتمر صحفى بعد تلك التطورات .
( مع العلم إن القاهرة كانت أعلنت منذ سنه تقريبا إن قوات الأمن ( قتلت تشكيل عصابى إتضح إنهم من قتلوا ريجينى بعدما وجدوا بحوزتهم أوراق و باسبور القتيل ) !!
( طبعا أنا لا أصدق الروايه المصرية جملا و تفصيلا و أصدق النيابة الإيطالية لكذا مليون سبب )
طبعا ( إعلامنا الموجه ) حاجه زى دى لا تلفت نظره لأنها مش ( مهمه )


المهم ( فستان رانيا ) اللى الدوله عاشت عليه الإسبوع اللى فات تلهى الشعب فيه
و البرلمان المصرى يا حبه عينى لم ينزعج من موقف البرلمان الإيطالى منه و فقط إهتز و إرتج و أصيب بالتبول اللاإرادى بسبب ( فستان رانيا ) !!!
بالذمه دى بلد محترمه و لا مسئولين عندهم ذره إحترام للبلد و شعبها ؟؟

About رشا ممتاز

كاتبة مصرية ليبرالية وناشطة في مجال حقوق الانسان
This entry was posted in الأدب والفن, ربيع سوريا. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.