انتي تهاجري!!! .. انتي عايشة كويس اوي مش هتلاقيها برة

ناس كتير من اصحابي لما عرفوا اني بحضر للهجرة سألوني باستنكار شديد جدا .. ( انتي تهاجري!!! .. انتي عايشة كويس اوي .. انتي عايشة عيشة مش هتلاقيها برة .. انتي مش ناقصاك حاجة اصلا . انتي ناجحة هنا وبتنجحي كل يوم ..انتي حظك احسن من ناس كتير .. ليه تفكري في الهجرة ..ده انتي هاتروحي تتبهدلي .. وتندمي وترجعي تلاقيكي ضيعتي شغلك وحياتك هنا)

ناس كتير من اصحابي لما عرفوا اني بحضر للهجرة سألوني باستنكار شديد جدا .. ( انتي تهاجري!!! .. انتي عايشة كويس اوي .. انتي عايشة عيشة مش هتلاقيها برة .. انتي مش ناقصاك حاجة اصلا . انتي ناجحة هنا وبتنجحي كل يوم ..انتي حظك احسن من ناس كتير .. ليه تفكري في الهجرة ..ده انتي هاتروحي تتبهدلي .. وتندمي وترجعي تلاقيكي ضيعتي شغلك وحياتك هنا)
الكلام ده سمعته من اكتر من حد بطرق مختلفة بعضه او كله ..
ولما بفكر في الاسباب اللي تخليني ابذل مجهود كبير وعارفة اني هابتدي حياتي من الصفر في سن كبير نسبيا ومعايا ولادي ( واحط تحت كلمة الولاد كذا خط ) وعارفة قد ايه التعب اللي هاشوفه ومتوقعاه ..ومش متخيلة ابدا اني رايحة جنة .. وعارفة اني هاخسر حاجات كتير هنا ..
لكن الاسباب شايفاها كافية على الاقل من وجهة نظري
برغم عشقي لمصر .. عشقي لكل شئ فيها حرفيا .. انا بحب بلدي لدرجة الهيام .. ودي اكتر حاجة تعباني ..
انا مش متشائمة بس كل المؤشرات واضحة لأي واحد مهما كان افقه رايح في داهية ..
1- بكل الألم انا لا اتمنى ان اشيخ في مصر …
الفترة اللي فاتت كان عندي اصابة في ركبتي وكانت مسببالي الام شديدة .. وكنت ببذل مجهود رهيب عشان اتحرك في اي مشوار لأن للاسف الشديد لا يوجد اي تجهيزات لحد عنده مشكلة صحية .. فالارصفة عالية جدا وعشان اخلص اي مشوار في هيئة حكومية لازم انزل واطلع سلالم ١٠٠ مرة .. وهكذا في كافة التفاصيل …
2- هذا المجتمع يتنفس عنصرية وتدخل في حياة الاخر ومريض بشكل مزمن بمرض خطير اسمه ادعاء المعرفة ومرض تاني مرعب اسمه التدين والاخلاق وتحت راية هذه الامراض يرتكب كل الموبقات …اي انسان لا يتواني عن كسر نفسية اي انسان اخر لا لسبب سوى ان يشعر بأنه افضل منه وبالمثل يفعل الشخص المقهور بآخر حتى اصبحنا داخل حلقة كل منا يتسابق لقهر من يستطيع قهره ..
3 – لجأت للحياة في مجتمع معزول قدر الامكان لكن للاسف لم يفلح ذلك في عزلي عن كل الامراض التي اصبحت منتشرة ومؤذية بشكل مباشر ..


وأنا اعاني في تربية اولادي بشكل مرعب … حتى ابعدهم عن اجواء العنصرية والدروشة
4- ادفع ارقام مبالغ فيها في تعليم اولادي تعليم صوري شكلي .. بحيث يكون اقصى نجاح ليهم لما يكبروا انهم يسافروا برة !!!!
5 – اعيش في غربة داخلية دائمة .. فأفكاري التي تنادي بالحرية والمساواة وحرية المعتقد تعتبر كفر وقلة ادب !!!
6 – لا احصل على حقوقي في بلدي بالرغم من وجود اقارب في مناصب هامة لكني انسانة تعتز بكرامتها وارى ان طلب واسطة للحصول على حقوقي هو شئ مهين وبائس …في بلدي الجريح حيث القانون ليس اكثر من آلة موسيقية.. والبلطجة فوق كل اعتبار ..
7- اجتهدت طول عمري حرفيا لتأمين وضع مالي مريح .. ثم بسبب ممارسات اقتصادية فاسدة ومستمرة تم سرقتي في ثلثي مدخراتي بالمعنى الحرفي بعد التعويم .. سرق مالي وعمري بسبب عبث اقتصادي .. ومازال الوضع في منتهى العبث ولا يوجد اي مؤشر للتفاؤل ..
8- الفساد اصبح خارج السيطرة تماما .. في كل المجالات
9- في بلدي الحبيب اصبحت لا استطيع الاستمتاع بشئ .. فالاوتيلات الراقية تم غزوها بالغوغاء والراقية جدا اسعارها لا تتناسب مع دخل الطبقة البرجوازية الصغيرة
10 – التلوث السمعي والبصري والبيئي … في مجتمع متصالح تماما مع اكوام القمامة والقبح ..انأى بنفسي عن حياة تتشابه مع حياة البهائم
#مصرية_ستايل
Written by
Dalia Elraies

نرجو متابعتنا على فيسبوك وتويتر بالضغط على الايقونتين
This entry was posted in فكر حر. Bookmark the permalink.

Leave a Reply

Your email address will not be published.

This site uses Akismet to reduce spam. Learn how your comment data is processed.