انا احب الفيس بوك..احب ناسه وجلاسه.

الكاتبة السورية سلوى زكزك

انا احب الفيس بوك..احب ناسه وجلاسه..مع اني كتير مرات توقعت دعم خاص بتعليق مميز او مختص من أشخاص معينين وما انتبهوا ابدا..
المفاجأة لما يجيينا ولو فيديو او صورة او كلمة او رد من شخص انت من قدر موقفه خطأ ولم تتوقع رأيه/ ها الداعم..
كتير ممنونة لكل صديق/ة بطلب منهن توضيح او مشاركة ودغري بيعملوه..
انا بحب كتير انو هي المساحة بتشبه حقيقة ناس كتار ولازم نقلهن قديش انتو حوين وحلوات..
انا بشوف الفيس ضفة تالتة..والأهم انو..كسر فكرة مطلقة انو في ضفة اولى وضفة تانية بس..
بحب بارك للأهل بنجاح ولادن وببكي لما يجي بيبي عالدنيا و٧بعرف قديش هي القصة بتفرحني الي قبلن..وبحب اتطمن عصحة الكل..
بحب وجهي يلي بيشبهني ووصلت ضحكتي الحقيقية للناس وحزني وضعفي وخوفي وعجزي وضجري..
لهلق ومن زمان بتمنى يكون عندي منصة بالصوت..انا بحب صوتي وكتير ناس بيحبوه وبيقلولي انت حكياتك احلى من كتاباتك..مزبوط كتير هالكلام وحقيقي..بس مترددة وخايفة من الوقت ومن مجاهل ما بعرف لوين بتاخدني لانو حوصليتي ضيقة وبدي رد واقلب الحكاية وصيغها بصوت روحي..
السنة الماضية ومن وقت وفاة ابي ومن وقت رفضوا يعطوني فيزا زور ولادي كانت كتير صعبة وحرقتلي قلبي وصلت لخافة الانهيار..


يمكن عم احكي هالحكي لانو اليوم كتير كتير مريضة وكتير مستفقدة لسوسن أختي يلي بسميها ضرتي.. بس في عاطفة اتجاها عم تكبر ورح توصل لخانة الاحتضان مع انها أكبر مني..( بس انا احلى).. مع انو ماحدا بيختلف قدنا وماحدا بيتفق قدنا…
الشوق طاقة كبيرة ومهمة..ولازم نسحبو على خانة الإبداع…
مشتاقة للكل..مسا النور..عقلوب الكل…استثمروا بالشوق…
يبدو أن الجسد يسدد ضريبة الروح..طالما كتبت انا كل هذا..سأبدأ في طور التعافي من الانتظار والخوف والشوق..

نرجو متابعتنا على فيسبوك وتويتر بالضغط على الايقونتين
This entry was posted in الأدب والفن. Bookmark the permalink.

Leave a Reply

Your email address will not be published.

This site uses Akismet to reduce spam. Learn how your comment data is processed.