المخابرات السورية تمنع نشاط جمعية #المملكة السورية الخيرية ل #ماغي خزام

وصلني العديد من رسائل العتب ملخصها : ما صدقنا لقينا حدا يرجعنا للايمان ليش رحتي سياسة ؟
باختصار يا اخوتي انا عم مر بفترة ضغوطات كبيرة ..
ناس بلغوا عني للمخابرات الاميركية و تعرضت لتحقيقات بسبب ارسالي مساعدات لسوريا .. و جنوا الفرقة الرابعة من لايف فضيحة الترفيق و الترسيم و هيجوا اعلاميين رخاص ليطالعوني صهيواميركية
و هاجوا القبيسيات بمكتب اسماء الاسد و اصدروا امر للافرع الامنية بتوقيع كل الفرق التطوعية على تعهد يمنعهن من التطوع معي .
فضلاً عن هجوم المعارضة بحجة اني مولاة والموالين بحجة اني معارضة وقصص مشربكة سرها فقط انه بيرتعبوا من التبشير بالمسيح وما بيسمحوا بصوت مسيحي الا يكون ذنب للعرب او للكراسي .
انا تركت الاعلام و السياسة كرمال ربنا و ما برجع عن قرار اتخذته بس سامحوني ما بعرف مثّل و قدم حلقات و انا كرهانة كلشي عم يصير .
مثلي الاعلى هو ربي و الهي يسوع المسيح اللي ما تركوه بلا ما يدخلوه سياسة و يتهموه بانه بده يحكم بدل قيصر و انه جاية يعمل مملكة عالارض و دخلوه اقتصاد بهل يجوز دفع الجزية لقيصر ؟ و اضطر يواجه فساد الكهنة ولصوص الهيكل بالسوط .
السياسة بتتقاطع مع العمل الايماني و الخيري لانه قذارة السياسيين ما بتسمح بوجود جانب نضيف بالمجتمع .
و عليه بتمنى تفهموني هالفترة و تصلولي و كونوا واثقين اني بعت نجاحي و شهرتي و حياتي كرمال اسم يسوع المسيح و ولا ممكن الا كمل الطريق .. اعتبروا هالفترة كانت واجب ايماني هو ضرب الباعة بالسوط
و شكرا للي بيفهموني بلا ما اشرح .
هي صورة من مئات التعهدات اللي وقعوها فريق المملكة السورية مع التحفظ عمعلومات المتطوعة .

التعهد يقول: تصريخ خطي … انا الموقعة ادناه … فلانة الفلانية… والدتي ..فلانة…  من تولد عام …كذا .. مسجلة في قيد النفوس …كذا  .. ومقيمة بالعنوان …كذا … واحمل البطاقة الشخصية ذات الرقم القومي..  كذا …. اصرح لكم عدم القيام باي نشاط متعلق بجمعية المملكة السورية …… كذا وكذا… واتحمل كامل المسؤولية القانونية في حال قيامي بما يخالف ذلك اشعارا بذلك ابصم

About ماغي خزام

ماغي خزام: إعلامية سورية, مدافعة عن حقوق الإنسان وناشطة على الفيسبوك, تعمل الآن على فيلم عن سوريا بهوليود مع الممثل الاميركي العالمي جيمس وودز
This entry was posted in الأدب والفن, ربيع سوريا. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.