اللقمة بتغصص ورغيف الخبز عم يقلي شوي شوي علي…

Salwa Zakzak

للمؤمنين والمؤمنات فقط
الله كلي القدرة وواسع المغفرة؟ مو هيك؟
طيب كيف بتعلقوا ع بوست اللهم ارحم جميع المسلمين..طيب والبقية شو؟ ليش عم تختصروا من رحمة الله يلي للكل حسب قواعد ايمانكم وتحصروها بدين او طائفة محددة؟ وفي حدا كاتب الرحمة لمن يستحقها فقط؟ مين هدول جماعة الفقط؟ ومين يللي سمحلك تحددهم او تحصرهم أو توصفهم؟
مبارح ست قالتلي اذا نحنا مو ملاح عولاد ديننا كيف بدنا نكون ملاح عغيرنا؟ مفكرة حالها عم تعطيني درس بالأخلاق وهي برات الموضوع كلو..
اعلن كما اعلنت مرارا أنني لست متدينة ولا قدرية، ولا اوافق ابدا على استئثار احد بالخير كائنا من اكان مصدره..
مانعيشه بحاجة الى اعادة توازن بالتوزيع من رغيف الخبز وحتى العدالة..


في زحمة المظالم يلجأ الأضعف للقوة غير المرئية لانهم بلا قوة وممنوعين عمدا وقصدا وبالمحصلة من الدعم..اتركوا هذه القوة لجميع من يحتاجها ويؤمن بها ملاذا علّهم يتخدرون بوهم الرحمة ولو لوقت فقط صونا لقلوبهم المكسورة..علّهم يتساوون في تأمل الفرَج من ذات المصدر المانح للقوة حسب قواعد ايمانهم وحسب غياب كل آليات الدعم عنهم وحصرها بقوة غيبية لكنها ملموسة ومحسوسة في صدورهم تعودوا الاتكال عليها لانهم لاحول ولاقوة .
رغيف الخبز عندي مراية لكلشي..بس ينكتب عليه بقلب الفرن طايفة معينة او دين محدد رح اسكت وابلع لساني كمان..
اللقمة بتغصص ورغيف الخبز عم يقلي شوي شوي علي…

This entry was posted in فكر حر. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.