اللاه ربي ، وموهامدو نبيي ، والازلام ديني يامدام ..

Maha Bouti

خلونا نضحك شوي ..
بالزمانات كان الي صديقة سعودية الله يستر عليها ويخليلها ولادها ..
كانت هالصديقة عندها ولاد حشا مو ولاد كانوا قرود على حللون وبيجننوا عنتر ..
استقدمت شغالة اثيوبية حبابة كتير ومسيحية ، بتفهم شوية عربي وبتحكي انكليزي ..
كانت المسكينة تكيف وقت روح لعند هالصديقة لانها كانت تاخد وتعطي معي بالانكليزي وكانت تحبني كتير ، المهم ..
مرة من المرات ، أد ماتعفرتوا ولاد رفيقتي كانوا يجننوها جنان رسمي وتبربر بالاثيوبي الله واعلم شو تقول ، المهم
مالقيناها الا اجت لعنا عالصالون معصبة وركعت عالارض تبكي بدموع عيونها ..
العفششش انا انكسر خاطري عليها مالحقت اسالها شو قصتك ، مالقيتها الا رفعت الشهادتين باصابيعها وقالت :
اللاه ربي ، وموهامدو نبيي ، والازلام ديني يامدام ..
انا ورفيقتي فرطنا ضحك عل الطريقة اللي قالتها وصارت تشكيلي بالانكليزي شو عم يعملوا فيها وانا غصبن عني ضحكت مع كسر خاطري على دموعها هههه..
سألتني رفيقتي شوقصتها حكيتلها وتضحك على ولادها وعليها ..
فزيت انا معصبة والتفتت عليها قلتلها :
بدي العن ابوكي على ابو ولادك اسلموها للمرا ..
تقللي : ايه بركة بركة اعلنت الشهادتين ..
قلتلها لك هادا اسمه كفر مو إعلان للشهادة ياهبله هادا قهر مو هيك بيأسلم البني آدم يادبة 😂..
تضحك تضحك غشيانه على حالها ..
المهم طيبت خاطر هالمسكينة ورحت لعند ولاد رفيقتي بالشحاطة ههههه ..
اش فيكي ياخالة ..؟


قلتلون كماااان عم تسألوا ياغليظ انته واخوك واختك ، وناولتون كل واحد شحاطه على طيزه لصاروا يبكوا جماعيًا ..
قلتلون ابكوا لتشبعوا ماما رح تاكلها معكون اذا بتفتح تمها ههههه ..!!
كيفت الشغالة وانفش قلبها قلتلها :
تاني مرة اذا بيتغالظوا عليكي بس قوليلون رح اتصل بخالة مها ههههههههه الاولاد ماتعودوا عليي اعمل معون هيك ، صرت فلم الرعب تبعون لحتى تربوا ما يتساءلوا عليها المسكينة ..
يالطيف صرت بس روح تركد تحملني على كفوف الراحة وكانت ياحرام تشتريلي الدخان من كيسها اخد منها وادحشلها بجيبتها شوية مصاري اكرامية غصب تقبلها ..!!
فاللي عنده سعادين بالبيت يعمللي الو بس 😂😂😂…

About مها البوطي

حصلت على الثانوية الأمريكية في ولاية بنسلفانيا بعدها دخلت الجامعة لدراسة العلوم الطبية بعد سنتين غيرت مجال دراستي إلى دراسة الأمن الجنائي في ولاية نيو هامبشر أكملت في ولاية فلوريدا وتخرجت وعملت في مكتب المدعي العام في مدينة فورت بيرس حتى العام 2002 عدت بعدها إلى سوريه أول دراستي المدرسية انقسمت بين سوريه والسعودية حتى المرحلة الثانوية تخللها دراستي في مصر لتعلم اللغة الانجليزية في معهد اوكسفورد والجامعة الأمريكية قبل نهاية دراستي الثانوية التي اكملتها في الولايات المتحدة الأمريكية
This entry was posted in فكر حر. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.