الرئيس #الاسد يجتمع اربعة مرات تقريباً هذا العام مع المشايخ ورجال الدين

Feras Abdin

الرئيس الاسد يجتمع اربعة مرات تقريباً هذا العام مع المشايخ ورجال الدين ، اتحدى ان يذكر لي اي شخص انه اجتمع مع فريق اقتصادي سوري طوال هذه الازمة . او انه كان قد اجتمع مع دكاترة الجامعات في سوريا او مع الاطباء وخصوصاً في ازمة الكورونا او مع مهندسين ومحامين .
جميع اجتماعاته مع رجال الدين ، بصراحة معو كل الحق وهل يستوي الذين يعلمون والذين لا يعلمون ؟؟يعني معقول فيه طبيب بيفهم بالكورونا اكثر من رجل دين او من شيخ مثلاً ؟


معقول فيه اقتصادي سوري او دكتور في الاقتصاد بيفهم بالازمة الاقتصادية السورية اكثر من اصحاب العمائم ورجال الدين ؟؟؟
يعني سيد الوطن معو حق ما يجتمع ولا مرة مع اقتصاديين واطباء طوال الازمة السورية سواء من ناحية انهيار الاقتصاد او من ناحية الانتشار الكارثي للكورونا ؟
العلماء ورجال الدين ممكن يحلوا الازمة الاقتصادية بالدعاء وممكن يقضوا على فايروس كورونا ايضاً بالدعاء ؟؟؟؟؟؟؟؟
ممكن حدا يفهني ما هو عمل رئيس الدولة ؟؟ ربما انا خبرتي قليلة في هذا الامر ؟؟؟
اخي والله الشعب معو حق وقت بقول ما فيه بديل للقيادة على الاطلاق ، وين بدنا نشوف بعبقريتها ؟ ، يعني عملت يلي عليها وأجتمعت اربع او خمس مرات مع رجال الدين والباقي على الله .

This entry was posted in ربيع سوريا, فكر حر. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.