#الدولة_المصرية تناقض نفسها عندما تدعي محاربة الإرهاب


الجمله المبتذله الرخيصة اللى ( الدولة ) دايما بترددها ( إحنا بنحارب الإرهاب و التشدد ) !!
تقوم نفس ( الدولة ) تنتج برنامج يومى ل ( متطرف ) إسمه ( خالد الجندى ) يبث منه تطرفه و جهله و تخلفه للشعب سواء فى رمضان أو باقى أيام السنه .
طب حنستغرب ليه ؟؟؟
ما ذات نفس ( الدوله ) تدافع و تجمل وجه ( أبو الإرهاب ) ذات نفسه و تبرئه من فتاويه المتطرفه التكفير و التحريض و الكراهية و العنصرية ( إبن تيمية ) النجس ! فى مسلسل إنتجته مخصوص كى تقول إن ( جيشها ) يحارب الإرهاب و التطرف !!
و بكده تكون ( الدوله ) شريك أساسى فى نشر التطرف و الإرهاب و التشدد و الجهل .
إيه ده ما ده معروف ؟!
أومال مين اللى بيصرف ( 16 مليار جنيه ) سنويا على ( الوكر الأزهرى ) و محصن ( شيخه ) من الإقالة و المساءله و كأنه ( إله ) ؟؟
ما هى ذات نفس ( الدولة ) التى تدعى ( محاربه الإرهاب ) !
و بكده مين لسه عنده ذره أمل فى محاربة الإرهاب و القضاء عليه ؟؟
نستخلص من كل كده إن ( الدوله ) تحارب فقط ( الإهاربيين) اللى لهم طموح فى ( الحكم ) لا غير . أما لو كانوا ( إرهابيين ) بس و مش عايزين ( يحكموا ) فا عادى بتسيبهم يبرطعوا فى الدوله و يتولوا مناصب كمان و يتم تنجيمهم و يبثوا أفكارهم فى ( الشعب ) اللى بيتم غسل أدمغته أول بأول من خلال إعلام موجه فاشل و تعليم بدائى و قوانين دينية عنصرية و القبض و التشويه و محاكمه كل من أرتفع صوته مطالب بالتغيير و خرج من القطيع .
و لا عزاء لأى تغيير ممكن يحدث فى ظل هكذا ( نظام ) يجد ضالته و مبتغاه فى الوقوف مع التطرف و الإرهاب و يعقد معهم أحلاف و مواثيق سريه كى يسيطر بقبضته الحديديه اكتر و أكتر على المجتمع و هذا ما حدث و مازال يحدث .

About رشا ممتاز

كاتبة مصرية ليبرالية وناشطة في مجال حقوق الانسان
This entry was posted in فكر حر. Bookmark the permalink.

Leave a Reply

Your email address will not be published. Required fields are marked *

* Copy This Password *

* Type Or Paste Password Here *

This site uses Akismet to reduce spam. Learn how your comment data is processed.