التيار ( الإسلامى ) بتاع قال الله و قال الرسول نازل شماته فى ( فاروق الفيشاوى )


رشا ممتاز
دائما نقول :

( لا شماته فى المرض أو الموت )
بس التيار ( الإسلامى ) بتاع قال الله و قال الرسول نازل شماته فى ( فاروق الفيشاوى ) منذ أعلن يوم الأربعاء الماضى خلال تكريمه من مهرجان إسكندرية السينمائى إنه مصاب ( بالسرطان ) !
و مدافع الشماته و الإهانه الإسلامية لا تتوقف و الدعاء عليه بالموت و العذاب لا تسكت !
و قال إيه :
ربنا بيعاقبه علشان نشر و مازال الفجور و الفسق !!!
الحقيقة المتخلفين دوول الواحد مش عارف يرد عليهم بإيه ؟
هوه يعنى ( السرطان ) لا يصيب إلا أهل الفن مثلا ؟؟
ما الأطفال الأبرياء بيكون عمرهم سنتين و عندهم سرطان ربنا بقى بيعاقبهم ليه ؟؟ كانوا بينشروا إيه ؟؟
و ناس من كافه الطبقات بتصاب بهذا المرض اللعين
السرطان مش حكر على أهل الفن و لا هو عقاب من ربنا لهم بسبب فنهم كما تقولون يا متخلفين .


السرطان مرض مثل أى مرض .
و هى دى فى الآخر أخلاق الإسلاميين السب و القذف و الشماته فى مرض الناس أو موتهم و بعد كده يقولون لك ببجاحه الدين الإسلامى علمنى ( الأخلاق ) !!
ربنا يشفى فاروق الفيشاوى و كل المصابين بهذا المرض اللعين
و يشفى مجتمعنا من الإسلاميين و أخلاقهم المنحطه

About رشا ممتاز

كاتبة مصرية ليبرالية وناشطة في مجال حقوق الانسان
This entry was posted in الأدب والفن. Bookmark the permalink.

Leave a Reply

Your email address will not be published.

This site uses Akismet to reduce spam. Learn how your comment data is processed.