التصريحات التي يطلقها حمد بن جاسم بين الفينة والاخرى


التصريحات التي يطلقها حمد بن جاسم بين الفينة والاخرى

Bassam Yousef

التصريحات التي يطلقها حمد بن جاسم بين الفينة والاخرى هي باختصار تصريحات سخيفة، وبتذكرني ببعض الشخصيات السورية اللي بتحس وانت عم تسمعها انو واو قديش هاد مطلع وقديش علاقاته عميقة مع مراكز القرار، وهو يادوب بيكون ملتقي مع شي موظف بسفارة أو بحزب …
اول تصريح اتحفنا فيه السيد حمد هو ( الصيدة اللي تهاوشوا عليها وطارت الصيدة ) على أساس انو لو ماتهاوشوا عليها كانت انصادت…
ياسيد حمد اولا انت مانك صياد، انت موظف عند صياد ما، وبالتالي الصيدة رح تكون لسيدك مو الك، ومو انت اللي بتقرر ايمتى تصيد وكيف، انت بيقولولك روح وتعال وبس.
تاني تصريح حول وصف المعارضة السورية بالسلطة، هو تصريح عدا عن كونه سطحي وسخيف، هو محاولة تنصل من جريمة نفذتها أنت بأوامر من الصياد الكبير، لانو حضرتك من هندس الائتلاف وفخخه واخترقه بعناصر للنظام ولغير النظام.
هذا الاستشراف الممجوج والكريه وإلقاء المسؤولية على الغير ليس مقبولا، ولايستحق الاهتمام.


لو كنت حريص على سوريا وثورتها فعلا لتوجب عليك أن تكون صادقا اولا، وشفافا ثانيا.
هذا لايعني ابدا أنني ادافع عن المعارضة السورية، ابدا فهي سيئة إلى حد كبير، لكنني كلما سمعت تصريحا لهاد الشخص بحس كما لو انه موكل بمهمة ما .. مهمة تزيد من يأس السوريين الرافضين لبقاء عائلة الاسد، وتزيد من تفرقهم، وتدعم رواية النظام أمام مؤيديه.

نرجو متابعتنا على فيسبوك وتويتر بالضغط على الايقونتين
This entry was posted in الأدب والفن, ربيع سوريا. Bookmark the permalink.

Leave a Reply

Your email address will not be published.

This site uses Akismet to reduce spam. Learn how your comment data is processed.