الانتخابات الديمقراطية في نظام #الاسد والبرامج الانتخابية

و كما هي العادة في الانتخابات الديمقراطية ، يسعى كل مرشّح لتقديم برنامجه الانتخابي لنيل اكبر عدد من الأصوات ..
و مساهمة منّي في هازا العرس الديمقراطي ، عملت مناظرة بين اكثر المرشحين حظوظاً للوصول الى سدّة الحكم..
على يميني المرشّح بشار الاسد..
و على يساري المرشّح محمد عزت خطاب الامين العام لحزب سوريا للجميع..
١- ما هو موقفكم من الثورة السورية؟؟
– بشار: انّ ثورة الثامن من آذار المجيدة هي اهم شي صار في تاريخ سوريا الحديث، و فيكون تتخيّلو لولاها شو كان صار فيني او بعيلتي اليوم ، يعني بالزايد بكون معاون شوفير سرفيس على خط جبلة ، و ماهر يا دوب عندو بسطة دخّان على مفرق الفاخورة ، و امّي عم تقمقش شويّة حطب ، و بو باسل حارس بالريجي بنص دوام..
– خطاب : شاركت بالأيام الاولى من هالثورة بالمظاهرات السلمية ، وبعدين عطيت اسماء كل المشاركين و صورهون للجهات المختصة بغية اعادة تأهيلهون..
٢- سؤالي كان عن ثورة الحرية ٢٠١١ !!!
– بشار : ولك خلصت خلصت من زمان ، أبينحكى فيها يا زلمي ، كلهون كانوا كم مليون كلب و خلصنا منهن..
– خطاب : الله لا يوفقوا لأردوغان ، كنا نطلع الساعة تلاتة بعد نص ليل لنقضي حاجتنا بالشوارع لانو المي مقطوعة بالبيوت ، هلأ عم نعملها تحتنا..
٣- ماذا تعني لك الحرية ؟؟
– بشار : الحرية الحرية الحرية !!! و الله سمعان بهالكلمة ، طيب ممكن تعطيني احتمالات !!!!
– خطاب : الحرية نادي عريق في حلب، اشتهر بالفوتبول و كرة السلة ، و كان منافس شديد لفريق الاتحاد..
٤- طيب بلاها الحرية، شو بيعنيلك مفهوم الكرامة؟؟
– بشار : شو صايرلك ولك صوفي ، اتفقنا تكون المناظرة بالعربي ، ليش عم تستخدم مصطلحات اجنبية ، و عم تسألني عن مفاهيم غربية لا تعني الشعب السوري بشي..
– خطاب : ما بعرف شي عن الكرامة ، بس اذا بيهمّك فيني احكيلك عن الذل للصبح ..


٥- ما هو مفهوم الشهيد ؟؟
– بشار : هو كل شخص في الثلاثين من العمر ، إلو دقن و عم يسوق مرسيدس و قلبت فيه عطريق المطار ومات ، فهو شهيد..
– خطاب : الشهيد هو كل انسان جحش تجرّأ انو يرشّح حالو لانتخابات الرئاسة في سوريا لمواجهة الاسد..
٦- ماذا عن المقاومة ؟؟
– بشار : هون ملعبي بقا.. قاعد ولك صوفي من الصبح عم اتضيّع وقت العالم بالحرية و الكرامة و الثورة و هالشغلات التافهة ، و لك احكي بشغلة انا بفهم فيها .. المقاومة هيّة انو تكون جاهز دائماً لصد مؤامرات الحرية و الكرامة على بلدك بغية تحرير الجولان ..
– خطاب : انا زلمة ماني لا علوي و لا شيعي لحتى افهم بالمقاومة ، ما بعرف شي عنها ، و بفضّل ما احكي بشغلة مو من اختصاصي ..
٧- المرأة ؟؟
– بشار : بس استحي ولك صوفي ، انا بخجل احكي بالسكس قدّام العالم ..
– خطاب : حرصاً مني على دور المرأة في سوريا ، سأدعم كل المشاريع الخيرية للسيدة اسماء الاسد ، و سأترك منصب نائب الرئيس لصالح نجاح العطار ..
٨- من هو الإرهابي ؟؟؟
– بشار : اي مسلم سنّي هو مشروع إرهابي ، و قتلو واجب قبل ما يتكاثر ..
– خطاب : الإرهابي هوّة كل واحد بيقول عكس ما بيقول منافسي الاسد ..
٩- كلمة اخيرة للشعب السوري ؟
– بشار : ما عندي كلمة اخيرة ، انا زلمة باقي للأبد و كلامي ما الو نهاية ، فهمان؟؟؟
– خطاب : لا تنتخبوني يستر عرضكون ، و الله بروح فيها ..
١٠- شو رأيك بمنافسك ؟؟
– بشار : شو هالجحش هادا؟؟
– خطاب : غير تلاتة ما منختار ، الله و سوريا و بشار ..

About زياد الصوفي

كاتب سوري من اللاذقية يحكي قصص المآسي التي جرت في عهد عائلة الأسد باللاذقية وفضائحهم
This entry was posted in فكر حر. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.