الاعلام الهولندي ملتهي بفضيحة من العيار الثقيل: #المخابرات_الهولندية دعمت #جبهة_النصرة

الاعلام الهولندي ملتهي بفضيحة من العيار الثقيل:
في مشكلة اثارتها النيابة العامة الهولندية اعتقل بموجبها سوري من جبهة النصرة وتتم محاكمته ع اساس انو عضو بمنظمة ارهابية… وحاليا اجراءات القضاء ماشية …
المشكلة مو هون المشكلة انو الشب يلي اسموا عبد العزيز. أ كان الرجل التاني بجبهة النصرة بادلب ويعرف هو عن نفسه ب الجزار ومعترف انو دبح ناس من خلال مكالمات مع اهله تم تسجيلها من خطه المراقب … والمشكلة الأخرى “من هيك” يلي فوتت هولندا بالحيط انو طلع الزلمة مخبر وعميل للمخابرات الهولندية وتلقى الاف اليوروهات لقاء خدماته وعقد 10 لقاءات بتركيا على الاقل في اقل من عام مع المخابرات الهولندية …وتم القاء القبض عليه بطريقة غير متوقعة، الزلمي راح يحضر فيلم بامستردام لشباب حملة “الرقة تذبح بصمت” وتعرف عليه بعض شبابها …


تعى حلها هلق النيابة العامة والمخابرات نازلين طحن ببعض ..طبعا المخابرات باعته .. بس المشكلة يلي عم تواجهها حاليا انو مطالبة بالاجابة عن تعاملها مع ارهابيين ارتكبوا جرائم .. طبعا كل الحكي كان بعد فضاىح بالاعلام الهولندي عن تمويل هولندي لجماعات باتت تصنف على انها ارهابية متل جبهة تحرير الشام والنصرة وكانت تتلقى دعم لوجستي هولندي …

يلي صار وعم يصير بسوريا بعد فترة رح تتطلع وثائقه … ورح نتاكد انو اجهزة دول عالمية كبيرة كانت شريكة بقتل شعب وتدمير بلد وتشريد اهله وبعدين اذلاله باسم الانسانية …صفحة جورج كدر

This entry was posted in فكر حر. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.