الإعلامية #السورية #نور_حداد ترد على التنمر عليها مع معانتها من #المرض_النفسي #ثنائي_القطب

#شاهد الإعلامية السورية الأنيقة #نور_حداد تزدهر كالوردة بعد خلعها الحجاب فتفوح انوثة وجمال

الاعلامية #السورية #نور_حداد ترد على التنمر عليها مع معانتها من #المرض_النفسي #ثنائي_القطب

يخرب عقلكن🤣🤣🤣
طلعتوا أنتو المجانين مو أنا .. بس الفرق، إني مجنونة برخصة 🤣🤣
بربي عندي توازن أكتر منكم كلكم مجتمعين..
الفيسبوك فاضحكم عفكرة.. 🥲
المجتمع الفيسبوكي الوحيد المتماسك في السراء والضراء هو المجتمع السوري.. يمكن ما ضل غيره عهي الساحة.. 🤣🤣
يا محمد لما دخلت وشفت .. شقد رجعتوني بالزمن لورا.. حسيت دخلت بورتال وهمي وافتراضي مالو داعي .. عالمكم “باياس” وإنتو كتير قديمين وبطيئين 🤣🤣
والله هيك حسيت.. وما كان الشعور جميل..
حسيت رجعت لأيام الجاهلية.. حسيت إنو الإنسان وقيمته وتجربته ومشاعره حقها ترند بسوق الغلا.. سواء عل فيسبوك أو أي منصة أخرى..
المهم.. حابة خبركن إني منيحة واللي بأكد هالشي إنو مريض البايبولر مستحيل يطلب مساعدة طبية لأنو شعور الهوس كتير حلو رغم لحظات هبوط المزاج الفجائية.. رغم هيك أنا واعية جدًا للأعراض اللي عم عيشها.. ومحاكمتي العقلية صحيحة مية بالمية.. ولأنو مابدي أنفصل عن الواقع متل ما صار معي السنة الماضية، طلبت فورا تدخل طبي والحمد لله إجاني دوا جديد مسمي حاله وخالص😜
الهوس حالة حلوة جدا بعيشا مريض ثنائي القطب بس بكون مو فارق معه الكوكب.. وهاد اللي بخوف العالم حواليه.. بصيروا متوقعين إنه يعمل أي شي.
الحقيقة المرة في هاد الاضطراب إنو بحلقات الهوس بكون المريض منيح بس الناس حوله هي بتتعب، بينما المكتئب ما حدا بحس عليه.. وانظروا كم مكتئب فيكن عم يقرأ هاد البوست.
أنا لست ضحية ولا بطلة وما عندي أي رغبة بتحقيق أي شيء على مستوى الشهرة أو التعاطف..وآخر همي اسمي ومهنتي ومكانتي الاجتماعية جنب التجربة الروحية الإنسانية اللي عم عيشها.. أنا إنسانة وامرأة تقدس حياتها ووذكرياتها وتسعى لتوثيقها بشتى الطرق.
تم تشخيصي بالمرض بعمر متأخر.. كنت بعاني من اكتئاب كل سنة متل هالوقت بس دايما كنت أربطه بظروف حياتي اللي بتجنن 🙂 لهيك ممكن مريض البايبولر يعيش ويموت وما يعرف إنو مصاب بالمرض لأنو ما مر بأي حلقة هوس..
الأعراض بحلقة الهوس هيه اللي بتستدعي تدخل الطبيب النفسي والعلاج الدوائي.. أهمها قلة النوم والأكل والأدب 🤣🤣🤣
السنة الماضية كانت أول حلقة هوس بمر فيها .. كانت مليانه عوالم وهلاوس وحتى وصلت لمرحلة الفصام.. ضليت فايقة ٧ أيام متواصلة وطول الوقت كنت عم نط واقمز وأتواصل مع شخصيات جواتي عم تعيش بعوالم غريبة، أكيد بوقتا ما حصدق إني مريضة، لأني فتحتلا وسلمت لكلشي حسيت فيه ..
الحلقة الأولى بالنسبة إلي كانت رحلة روحية أكتر من اختلال كيميائي بالدماغ.. كانت رحلة من الشك إلى اليقين ،، طلعت بعدها إنسانة أخرى.. حسيت إني شخص مؤمن ومسلم لقضاء الله وقدره.. واثقة بـسيرورة الكون.. وحسيت إني مسيرة للخير ومخيرة بالشر.

وما كان عندي اي فكرة عن هالمرض.. وهات اقنع مريض البايبولر إنو مريض وهو حاسس حاله الله🥲
لهيك أنا اخترت بهي الحلقة إني وثق جزء صغير من سلوكي خلال الملنيا واللي هو سلوكي الطبيعي وقت كون مبسوطة مع فارق الكونسيبت والقالب الاجتماعي اللي بتعرفوه عني..
مريض البايبولر بالهوس بكون متعب جدا للناس اللي حوله بس شقد لطيبه قلبي جنب التخبطات اللي هو عم يعيشها.. سوق بورصة شغال بنفسيته طول الوقت.. الأسهم الخضر والحمر طالعين نازلين طول الوقت..
“أعتقد” أني أشطر وحدة باللعب مع البايبولر.. بس من يومين ضافولي دوا جديد بعص المزاج وخرب الدوزان اللي صرلي سنة كاملة عم بشتغل عليه..
وكمان شقد لطيبه قلبي.. برجع بزبطه..🙃
المهم.. انا منيحة.. ملتزمة بأدويتي وحريصة عليها أكتر من أي شي تاني بحياتي.. بس لأني حابة ضل صاحيتلكم 😊
جنوني لا يعني ضعفي، لكن من حولي لا يستحقون المتعة😏
ليس لدي الرغبة بالانفصال عم الواقع.. أنا بقلب الواقع لكنم عمي عما يدور في روحي ونفسي وجسدي وعاطفتي وحياتي وتفاصيلها..
الفكرة: أنا بحب تعليقات المتنمرين خلال مروري بحلقة المانيا.. بيعطوني مادة فيمة وغنية جدا للسخرية والاستمتعاع
لا تعرفون سوى ٢٪؜ من الحقيقة،، لكنها كانت كافية بإصابتكم بالجنون😁
تحذير: المرض لا يسبب العدوى 🥲
ملاحظة: حياتي المهنية ومستقبلي ليس مهددا.. بالعكس.. المشروع الإعلامي الذي أعمل عليه هو السبب في دخولي بحلقة الهوس الثانية..
لدي عدد هائل من المنتجات الإعلامية التي بحاجة فقط إلى
running order
وكل هذا بسبب اضطرابي الابداعي😏
أنا سعيدة جدا بحالتي وأشعر بالتميز والتفرد بالإبداع.. حياتي صعبة وفيها معاناة كثيرة لكني ممتنة لهذا الـ
order
Bipolar ORDERS 🙃😊🥰😘😍😢😎🙂😂😡
اي تشتت او تناقض سببه الشخصيات وليس انا😎