الأمثلة الشعبية العراقية والفصحى التي تنطبق على الإرهابي #قاسم_سليماني”، قبل وبعد موته :

الأمثال الشعبية :
1- العكرب دواها النعال .
2- الميت تطول كراعينة .
3- إللي يعيش بالحيلة يموت بالفُگر .
4- الميت ميتنة ونعرفه شلون محروك صفحة .
5- إذا ماتت المروة، شنو نفع القوة !؟.
6- إللي ما يدندل زنبيلة، محد يعبيلة .
7- الچلب ما يحب غير كتالة .
8- إللي ما يسوگه مُرضعه، سوگ العصا ما تنفعه .
9- تحي النايحة شتعدد وشتكول !.
10- ثور الله بچول الله .
11- ذيل الچلب خلوه بالگصبة أربعين يوم وما تعدل .
12- ذاكَ الغيم جاب هل مطر .
13- روحة بلية رجعه .
14- رَكبتَه وراية مد إيدة بالخُرج .
15- زعيب وخراب اللعيب .
16- شابت لحاهم والعقل ما جاه
17- شوفتك حزن وفراگك عيد .
18- شْكول شْكول ورد الباچلة .
19- شعرة من جلد خنزير .
20- ضيع الصاية والصرماية .
21- طبع إللي بالبدن ما يِغيره غير الچفن .
22- طمعه قتله .


23- على الهريسة لا على الحسين .
24- عگرب ما يتخلة بالعب .
25- علج المخبل ترس حلگه .
26- غاسل وجهه إبولة.
27 – غراب البين .
28- كل لشة تتعلك من كراعينها .
29 – گاعد بالسفينة ويكسر عين الملاح .
30- گرادة بطيز چلب .
31- إللي يدگ الباب يسمع الجواب .
32- ما باقي علينة غير وسخ رجلينا .
33- ماكو جبير إلا البعير .
34- ماكو أشطن من الحصيني، وماكو أكثر من جلدة بالسوگ .
35- محد يعرفك غير الذي مردك يا لبن .
36- مدري شكول وحچي، بامية انكلبت شيخ محشي !.
37- من قلة الخيل شدوا على الچلاب سروج .
38- من اول غزاته إنكسرت عصاته .
39- إللي ما يعرف تدابيره، حنطته تاكل شعيرة .
40- مستقبل التنگه گحف .
41- چان واكف على كشر موز .
42- وگع الفاس بالراس .
43- وين ماكو حافي علينا لافي .
44- لا حظت برجيلها، ولا خَذَت سيد علي .
45- يا ظالم إلك يوم .
46- إلياكلة العنز يطلعه الدباغ .
47- يتعلم الحجامة براس اليتامه .
48- ليسوي بيده الله يزيده .
48- يحب يعلوا ولو على قازوغ .
49- اليدري يدري والما يدري كضبة عدس .
50- يروح چلب أسود يجي چلب أبيض .
51- يُقتل القتيل ويمشي بجنازته .
52- يوم القيامة ما تنفع ندامة .
53- يهيج النار ويصيح يا ستار .
54- يحرگ مدينة حتى يورث جكارة .
55 إللي يسوگ الزمال يتلگه ضراطه .
56- مات موتة البريج، حلگه مفتوح وعيرة كايم .

الأمثال الفصحى :
57- لا خير في عقربٍ تلسع من دون سبب .
58- الحمارُ حمارٌ ولو ركب عليه عنتر .
59- ما طار طيرٌ وإرتفع إلا كما طار وقع .
60- مصائبُ قومٍ عند قومٍ فوائدُ .
61- من حفر بئراً لإخيه وقع فيهِ .
62 – هذا الميت لا يُساوي هذا البكاء .
63- لكلِ زمانٍ دولةٌ ورجالُ .
64- من كان بيته من زجاج فلا يرمي الناسَ بحجارة .
65- من غربل الناس نخلوه .
66- من يأكل خبز السلطان يُضرب بسيفهِ .
*****************

المجدُ لمن عرف وإستوعب حكمة (( يا فِجل لا تتفنجل، باچر يجيك المنجل )) .
طلعت ميشو .. Jan – 8 – 2020

This entry was posted in الأدب والفن. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.