الأرجيلة رجس من عمل الشيطان فاجتنبوه

الكاتب السوري اشرف مقداد

الأرجيلة رجس من عمل الشيطان فاجتنبوه
مبارح طلعت مع صاحبي جورج نقزدر
جورج صايع وبيعرف كل بخش باوكلاند
المهم رحنا على قهوة فاتحة جديد وهي قهوة اراجيل
قعدنا بره بالزمهرير وطلب جورج ارجيلة وتعا يا صاحبي ولحق على جورج طلبات
“نارة ياولد”
“مازبطت النارة”
” التنباك ناشف”
“الاورانج ما عجبني جيبلي نعنع”
“في ريحة بالمي”
“خلصت النارة”
” غيرلي التنباك”
” تنباك جديد يامعلم”
ولك ماعرفنا نكمل قصة وحدة”
يللي بيحب الارجيلة مابينسهر معو ابدا”
عدا انو كل عرصة عم بيسحب كأنو في مسابقة لتلويث الكرة الارضية. وكل واحد عم بيدخن دخان بريحة اشكال والوان…..
وحريم يامعلم على سحب ونفخ…ولا اسكسك من انو الحريمة تسحب وتطلع الدخان من انفها” شي بيشهي تلحقا على بيتا وتطلب ايدها..عرب على اتراك على اي ايارنة على انكليز على هولاندية…..وبلشت شم ريحة الحشيش …..
ومو بس نحنا يللي ماعرفنا نكمل جملة مفيدة . كل شي قاعد ما كمل جملة مفيدة كمان….. وعم تسمع :” اي وبعدين شوصار مع فلان”
” كمل حديثك عبدو”
فحلفت يمين على انجيل الملحدين انو توبة بعد اطلع مع شريب ارجيلة…..مستحيل…..متل اذا بتطلع مع ولد خمس سنين …لابيعرف يركز معك خمس دقايق.


وحلفت الطلاق على جورج انو على ارجيلة ما بقى نطلع او يلاقيلو حدا غيري……انا سامحلوا يدوبل علي
تضربوا انتو وهالمحنة
قال ارجيلة قال
شو بتشكي السيجارة ؟
اتنيناتن سرطان بس السيجارة طلبية اكسبرس وخمس نجوم
شعب ماعندو كلاس
الكلاسي
اشرف المقداد

نرجو متابعتنا على فيسبوك وتويتر بالضغط على الايقونتين
This entry was posted in فكر حر. Bookmark the permalink.

Leave a Reply

Your email address will not be published.

This site uses Akismet to reduce spam. Learn how your comment data is processed.