Hosam Abutaleb
مكانك هو البيت ( الخدر ) واتسمى خدر عشان تقعدي فيه كالمخدره ( المخبأه ) يعني … ولو خرجتي تزوري ابوكي بدون اذن انتي كده عاصية ( كالعبد الابق )
انت ملك جوزك يعني لو حبيتي ترضعي طفل غير ابنك لازم تستاذنيه لان اللبن دا ( فرع ) وهو بيملك ( الاصل ) ..
وعلشان كده لو والدك اخدك وخرج بيكي من غير اذن ، تتعاقبي انتي والحاج ( لانه تعدى علي ملكيه غيره )
جوزك ينام معاكي في اي وقت ولو مرضتيش عليك لعنه الملايكه ويبقا اسمك ( ناشز ) .. و هو ممكن يهجرك ويضربك ( ولا يسأل فيما ضرب )
من حقه يطلقك بدون سبب .. لكن انتي لو طلبت الطلاق وكان ( من غير بأس ) هتبقي ملعونه و تدفعي كل مليم اخدتيه طبقا لقاعده ( فداء الاسرى )
مينفعش تتجوزي بعد الطلاق لحد ما ( نستبرأ رحمك ) .. ولو جوزك مات تستني المده دي في البيت بدون زينه ولا تلمسي برفان ولا تخرجي بالليل
مهمتك الاساسيه امتاع جوزك وانك تجيبي عيال وتخدميهم ولو جوزك عنده ( عبيد ) تخدميهم برضه .. ولو جالك مرض ملكيش عنده لا دوا ولا مرواح لدكاتره
كل دا اذا تم ( النكاح ) اصلا .. لكن لو جوزك ليله الدخله لقاكي متنفعيش من حقه يطلقك من غير مايديكي نفقه لانه ( لا نفقه بدون انتفاع ) وهو ما استنفعش بيكي ببصله
Tweet to @MufakerLiberal
