اذا ابتليتم بالمعاصي فاستتروا..

Salwa Zakzak

اذا ابتليتم بالمعاصي فاستتروا..
في مكان عام وبصوت استعراضي عال.حضرته اصر على السيدة التي يكلمها ان تأتي الى دمشق وسيحجز لها غرفة مع اطفالها على حسابه في الفندق..طبعا علنا ودون اي تخفيف للصوت قال لها بتنيميهن ومنطلع مشوار..واذا خايفة عليهن بحجز غرفة تانية بقلب الفندق..
عمل حالو ملياردير وصاحب شركة ديكور..رجل قال له استغفر الله يازلمة..طلاع احكي برا المكان كلو بنات ونسوان..وهو ما همو يزيد ويعيد٧..وغزل سخيف ولاتنسي تجيبي تياب خرج الطلعة ولاتنسي تجيبي عدة المكياج واحلى قنينة عطر( حريم السلطان) علي..

واجت ساعة الغفلة لما سالته الست المتصلة عن مكان وجوده حاليا فأجاب بمكتبو..وهون في ست كدعة قربت لعندو كتير وصرخت وقالت: لا تصدقيه هادا واحد كذاب وبلاشرف..ليكو واقف متلنا ناطر دورو ليمشي معاملتو..ونزلت فيه مسبات..وهو بدل ما يستحي ويسكت بيقول للست يا ختيارة الجن روحي شوفي وجهك بالمراية..