إلى المؤيدين ….

Bassam Yousef

إلى المؤيدين ….
بالعقل ….
خيو مو بكل العقل بس بشوية منو .. قصدي باللي باقي منو بعد أن احتل البوط العسكري مساحة كبيرة جدا منه.
مايسمى بالحكومة السورية، -أقصد الحكومة الشكلية لعصابة بيت الأسد- تخصص ما يقارب من 120 مليون دولار من ميزانية عام 2019 لإعادة الإعمار.
تقديرات الحد الأدنى من تكلفة إعادة الإعمار تتجاوز ال 400 مليار دولار، وتصل التوقعات العليا إلى ألف مليار دولار.
طيب خلونا بال 120 مليون دولار …
أولا- هاد المبلغ مرصود بالليرات السورية، يعني ببساطة شديدة هاد الرقم هو أقرب للوهم، وعلى افتراض حسن النية، فإن هذا المبلغ سينخفض بشكل تلقائي بمقدار انخفاض الليرة السورية، والتي شارفت اليوم على 500 ليرة مقابل الدولار الواحد.


ثانيا- مافي سوري وما بيعرف انو هاد الرقم رح ينشفط نصو – إن لم يكن أكثر- عند تنفيذ المشاريع التي سيخصص لها هذا المبلغ، يعني الرقم “الفعلي” المتوقع للمبلغ لن يتجاوز ال 50 مليون دولار.
ثالثا- وفق أولويات الحكومة “العصابة” فإن إعادة “الهيبة” لبيت الأسد هي رقم واحد، يعني نصف هذا المبلغ سيذهب لأصنام جديدة، وتجميل الساحات التي ستوضع بها هذه الأصنام.
احسبوا اللي بيبقى، واحسبوا شو ممكن ينعمل بما تبقى من هيك مبلغ، بتعرفوا انو هي العصابة مارح تعمر ولا بدها تعمر.
المشكلة مو بالعصابة اللي بتعرف شو عم تعمل، واللي بتعرف شو بدها تعمل، المشكلة فيكن انتو اللي مصدقين انو هي العصابة بيهمها شبر من سوريا، أو بيهمها مواطن سوري.
والله العقل زينة … ع القليلة تزينوا شوي !!!!!.

This entry was posted in الأدب والفن, ربيع سوريا. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.