إذا النخبة شغالة طقش وفقش….شو عتب عالطبقة الميتة جوع

الاديبة السورية سوزان محمد علي

كل صفحات الدراما السورية اللي بتابعها عالفيس، كلون صرلون يومين عم يحكوا عن مسلسل كسر عظم، وعن الاحتفال المهيب اللي عملتو رشا شربتجي لصناع هذا العمل والممثلين والمنتجين والطاقم الزفت كلو، رقص وطقش واحتفالات وصفحات الفيس متابعين الموضوع بطريقة هيستيرية والتعليقات راكدة ورا زوجة الممثل سامر اسماعيل شو لابسة وكيف طالعة ومين أحلى هيي ولا زوجها الممثل الكبير.
وسوريا العظيمة كلها في الداخل السوري ما عرفوا بمجزرة التضامن…إذا النخبة شغالة طقش وفقش….شو عتب عالطبقة الميتة جوع….اللي بتلاقي نت بصعوبة وكهربا بصعوبة…
ما وقفت على هي عموما…بس اللي بستغربوا لما بيطلع شي فنان أو فنانة وبيقول بمقابلة تلفزيونية:
انا مالي علاقة بالسياسة…
ويعلن موقفو الرمادي من القصة…
واللي بستغربوا أنو هالموقف الرمادي يحسب له فيما بعد…على أنه عظيم ومقدس.
أهم شي الفلوس…هي هيي كل القصة…فلوس ثم فلوس ثم فلوس…لن يتغير شيء…الناس بدها تعيش، والحل حتى نعيش إما نسرق وإما نكذب وإما ندفن كرامتنا بالأرض…
بعمركون شفتو ممثل عربي عندو موقف؟
بعمركون شفتو ممثل عربي زار افريقيا مثلا وتضامن مع المجاعات والأوبئة هنيك؟


فيه ممثل عربي زار اليمن؟ متل ما عملت انجلينا جولي..؟
ويا ريتون ممثلين….يا ريتون بيعرفوا يمثلوا…
فلوس ثم فلوس ثم فلوس….

نرجو متابعتنا على فيسبوك وتويتر بالضغط على الايقونتين
This entry was posted in الأدب والفن, ربيع سوريا. Bookmark the permalink.

Leave a Reply

Your email address will not be published.

This site uses Akismet to reduce spam. Learn how your comment data is processed.