أنا حره و طول عمرنا بننزل البحر بالمايوه و إذا كان على الجنه سبتهالكم سيبونى أدخل النار إنتوا مالكم

( عارفة عبد الرسول )
ممثله نالت شهره على كبر يمكن من حوالى 7 سنوات الناس بدأت تعرفها و تصبح شهيره .
المهم
عارفه على صفحتها الخاصه بالفيسبوك نشرت الصورة المرافقه للبوست .
صورة عادية جميلة لسيده على البحر و طبيعى و منطقى تكون بالمايوه .
فإذا بالمتخلفين ينظموا حملات ( شتائم & سباب ) لها على صفحتها من عينه :
إحترمى سنك يا وليه
مايوه و إنتى رجلك و القبر
إتهدى يا حيزبونه
فى النار إن شاء الله توبى و إرجعى لربك
هو إنتى مافيش راجل فى عيلتك يشكمك
جهنم فى إنتظارك يا متصابيه
إن شاء الله تموتى و إنتى كده و تخللى فى الجحيم
إكسفى على دمك يا تيزه فى واحده محترمه تلبس مايوه إتفووووووو
الله يجحمك ماطرح ما إنتى قاعده
الوليه كبرت و خرفت و مخها لسع
ده غير طبعا الشتائم لها بأوصاف يعاقب عليها القانون لها و لأمها و أبيها !
المشكله لما تبصوا على من كتب تلك العبارات و الشتائم شباب و بنات يمكن يكون أكبرهم ماحصلش ال 45 سنه .
المهم تانى :

( عارفة ) لم تسكت و صرحت لبرنامج ( إي تي بالعربى ) :
أنا حره و طول عمرنا بننزل البحر بالمايوه و إذا كان على الجنه سبتهالكم سيبونى أدخل النار إنتوا مالكم )
بصراحه رد رائع من ( عارفة ) و مفحم اللى عايز الجنه يخليه فى حاله مش يشتم و يسب فى الناس ؟
مين إنتوا أصلا علشان تحكموا مين فى الجنه و مين فى النار
و مين قال إن فكركم المتطرف هو الصح و غيره غلط ؟
بس بصراحه كنت عايز ( عارفة ) تبلغ مباحث الإنترنت عن هؤلاء السفله المتنمرين عليها و تسجنهم كلهم لأن القانون فى صفها تماما و لا تتنازل و خلى بقى بتوع حراس الفضيله و الأخلاق السجن يربيهم و يعلمهم الفضيله و الأخلاق الصح .
بس بردوا برافووووووووووووووووووووووووووووو ( عارفة ) فالقافله تسير و الكلاب تنبح ( مع الإعتذار الشديد للكلاب الرائعه ) .

About رشا ممتاز

كاتبة مصرية ليبرالية وناشطة في مجال حقوق الانسان
This entry was posted in الأدب والفن. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.