#أم_سيف…يوتيوبر عندها خمسة مليون متابع. وضعت الشارع العربي بحيرة ب30 ثانية

Jamal Daood

أم سيف…يوتيوبر عندها خمسة مليون متابع. وضعت الشارع العربي اليوتيوبي بحيرة ب30 ثانية. رفعت اصبعتها بحركة تدل على انها بحاجة لمساعدة نتيجة تعرضها لعنف.
معضلة أخلاقية صعبة كتير. شخص يتعرض للخطر أو شخص تافه يستغل شهرته لتحقيق أرباح إضافية؟
أولا أي شخص يتعرض للخطر أو العنف هو واحد، سواء كان مفكر عالم شيخ تافه ملحن ذكر انثى..المفروض أولا نخلصه من العنف يلي هو فيه.
طيب تاني خطوة شو؟ بيضل شخص تافه وعم يسوق التفاهة، ما ارتفعت قيمته ابدا كونه تعرض للعنف، هي معضلة أخلاقية تانية.
هلأ لو كانت صادقة وهي فعلا عم تتعرض للعنف لازم نوقف معها بهي التفصيلة وبس لحتى تخلص كإنسانة من تعذيبها وما تتعرض لأذى جسدي أو نفسي.
لكن لو كانت عم تكذب فهي استغلت موقعها كأنثى تتعرض للعنف، وكشخص مشهور لأغراض شخصية. وأساءت للنساء يلي يتعرضوا للعنف.
بالحالتين أم سيف حققت نجاح مايعادل 30% زيادة مشاهدات على قناتها من لما عملت حركة بأصابيعها أنها عم تتعرض للعنف.
يعني أم سيف مرزوقة شو ماعملت.


معدل دخل ام سيف من قناة اليوتيوب يقدر بحوالي 30 ألف دولار شهريا منذ عام 2019.
علما ان أم سيف ستريمر وغيمر ويوتيوبر…ساكنة بتركيا.
ولهي اللحظة ماحدا بيعرف هل تعرضت لعنف فعلا او عملت ترند لزيادة الشهرة.

This entry was posted in الأدب والفن. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.