أحلى شي النجوم اللي بتطلع وبتنظر عاطيز السوري جوا

الاديبة السورية سوزان محمد علي

أحلى شي النجوم اللي بتطلع وبتنظر عاطيز السوري جوا وبتقول:
الوطن مش أوتيل، بنغادروا وقت بدنا….بس يعطل أو يحترق…أو يفرقع….
والأسوء منون، جماعة المثقفين الي مزبطين حالون وشغلون ومصاريون وسفراتون بيجو بينظروا عالشعب المعتر وبيقولوا:
الغربة صعبة وما رح تتحملها…رح تفشل برا بلادك، على أساس هوي جوا بلادو ماسك إدارة معمل الغزل والنسيج.
طب ما نحنا فهمانين أنو الغربة خرا، وانو الوطن مو اوتيل، الوطن خبز وزيتون وريحة هلي، بس شي مرة واحد منكون فكر بوضعو لها المعتر المشحر اللي قاعدين تبيعوه وطنيات….هالمشحر جوعان مو مولاقي شغل، بردان مو ملاقي دفا، راسو برأس هالحيط بعمرو ما طس ريحة ربو برا المكان االي عايش فيه …مو متلكون مقضينا سفريات…وخايفين على شغلكون ومصاريكون جوا البلد….
بدل ما تقعدو عالنلفزيونات يا فنانين المسخرة، وبدل ما تقعدو بشي بار أو شي مقهى يا مثقفين الهراوات تبيعوا نظريات، اعملوا متل ما عمل المعلم جورج كلوني لما اجتمع برفقاتو وحط أمام كل واحد منون شنتة مصاري مدري كم الف مية مليون دولار، وقلون شكرا….
انا بتمنى ألتقي مرة تانية بواحد من هدول، مشان بس اسرقوا….عينك كنت عينك…اهبشوا هبش….قال الوطن مش فندق….الوطن مانو صوبية مازوت عم تنفض من قلة المازوت…..هاد هوي الوطن…

الاديبة السورية سوزان محمد علي

نرجو متابعتنا على فيسبوك وتويتر بالضغط على الايقونتين
This entry was posted in الأدب والفن, ربيع سوريا. Bookmark the permalink.

Leave a Reply

Your email address will not be published.

This site uses Akismet to reduce spam. Learn how your comment data is processed.