بيطلعوا علينا من يدّعون تمثيل المعارضة السورية السياسية و بعد سبع سنوات من الاخفاق و التضليل ببوستات غسيل ذِمَّة لتبرئة أنفسهم من كل ما آلت اليه الثورة في ظل قيادتهم الحكيمة ، شوي بيقولولك اللعبة اكبر مننا ، و شوي تانية بيستجدو العواطف المشلخة باعترافات باهتة بجملة اخطاء ارتكبوها انّو بركي مننسالون ياها..
ولا حبيبي اذا اللعبة أكبر منك ، روح احترم نفسك متل حكايتنا و اقعد اتفرّج ..
و انتي يا حبيبتي اذا كل هالاخطاء عم تعترفي فيها ، فيا ريت تقوليلنا شغلة وحدة صح عملتيها مقابلهون..
رح يسقط النظام عاجلا ام اجلا، و رح تشوفوا انّو لهلأ كنّا شايليكون من بالنا لسخافتكون، بس رح يجي هداك اليوم اللي رح تنحطوا فيه عالمقلاية السورية الشعبية ، و وقتها بس بأكدلكون انّو كل واحد فيكون رح ينسحب بملايينو و يا سوريا ما دخلك شر..
