انتو حطب للحرق و بس

Md Bakdash: محمد بكداش

 سؤال لكل الناس ياللي عم تسب وتحشك على جبهة النصرة بعدما اكتشفو متأخريييييييييين انها عاطلة: انتو ليش بتحبو تغطو الشمس بغربال وتنزعوه شوي شوي ؟ ليش مابتسحبو اولادكم من كل الفصائل الاسلامية ياللي اتبين انها لاتقل إجراماً عن إجرام تنظيم الأسد؟ يعني احرار الشام شو بتفرق عن النصرة مثلاً ؟ انها رفعت علم الثورة ؟؟ طيب رح خبركم معلومة: بزمانو لما كانت احرار الشام مقرات قيادتها بشرقي حلب ومسيطرة على معامل القطاع العام بعين التل والجندول وضيعة عزيزة، قامت بتشغيل بعض المعامل المذكورة .. معمل الغزل والنسيج بعين التل مثلاً.. تم تشغيل قسم صغير كتير من المعمل وتم توظيف حوالي 900 عامل ؟ وبحكم اني ابن المصلحة نصحهم احد اصدقائي يعدمني ياه فيني كإداري فطحل ? وبالفعل اجو لعندي وطلبو اشتغل إداري بالمعمل فطلبت قابل المسؤول الرئيسي عن الموضوع.. اخدوني لعند حدا اسمو الأمير الإنتاجي وكان لقبو أبو عائشة !!! ومن ضمن الحديث سألتو سؤال محدد اش الغاية من تشغيل المعامل: قلي خلال فترة قصيرة رح يتم وقف الدعم عن الحركة بسبب مشروعها الديني ولأنها مالا علاقة بالثورة “إلها علاقة بإقامة شرع الله في الأرض !!! لهيك لازم يكون عندنا تمويلنا الخاص ؟؟ ومن وقتها فهمت انو هالحركة ياللي تعداد مقاتليها بوقتها 64 ألف مقاتل ما إلها علاقة بالثورة لامن قريب ولا من بعيد ؟ وطبعاً اشتغلت معهن فترة صغيرة لحتى مايحاولو يصفوني بشي تهمة هرطقة بحال الرفض !!!

وخلال هالفترة قابلت بعض زعماء الحركة الأوائل : متل ابو عمير “الإرهابي الدولي المعروف عالمياً بإسم ابو خالد السوري ل ابو عمر الحلبي” سجين صيدنايا ياللي طلع بعد شي 20 سنة بظروف غامضة ليلتحق بالأحرار؟؟؟ لكتير من الأسماء ياللي كانت الناس مبهورة فيهن وبالحركة تبعهن ومآمنين بثوريتهم ؟؟؟ الحركة ياللي انسحبت بطرفة عين عام 2013 من خناصر وقلبت موازين الثورة السورية للأبد .. لهيك إذا فعلاً بدكم تطلعو من القرف ياللي انفرض عليكم ابتعدو عن كل الفصائل الدينية دفعة وحدة .. ترى انتو حطب للحرق و بس .. صدقاً كل فترة رح تتفاجئو بفصيل إسلامي كنتو مفكرينو منزل بإنو مجرم متل داعش والنصرة إذا مو أكتر ,,

This entry was posted in الأدب والفن, ربيع سوريا. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.