فرنسيس والحلاق !

 Fawaz Moukayed

فرنسيس عم يقص شعرو عند الحلاق، حَبْ الحلاق يفتح معه حديث فقال:
شو يا خواجة فرنسيس، وين رح تمضى فرصة الصيف؟

فرنسيس: والله ناوي روح على ايطاليا
الحلاق: ايطاليا، وبالصيف، لا يا زلمي في كتير شوب، وعلى أي طيران رايح؟
فرنسيس: على ال “ميا”
الحلاق: شو بدك فيها، روح على “اليتاليا”
فرنسيس: يا خيي ما بقى فينا نغير.

الحلاق: طيب بأي أوتيل رح تنزل هونيك؟
فرنسيس: بالهوليداي إن.
الحلاق: ما تغلط، هيدا خدمتو مش منيحة، شفلك شي أوتيل أحس شوي.
فرنسيس: هلق حجزنا وخلصنا.

الحلاق: طيب شو بدك تعمل هونيك؟
فرنسيس: بدي روح شوف قداسة البابا.
الحلاق: ولك حدا بروح عإيطاليا تيشوف البابا! بكرا بنطروك شي 10 ساعات ليخلوك تشوفو.
فرنسيس: إن شاء الله خير.
سافر فرنسيس ورجع بعد شهر عند الحلاق فسألو الحلاق:
كيف كانت هالسفرة؟

فرنسيس: والله رائعة، جو حلو كتير وبرود، طيران مريح، أوتيل 5 نجوم خدمة ممتازة، وشفت قداسة البابا بدون نطرة…
الحلاق: شفت البابا عن جد، شو قلتلو؟
فرنسيس: ولا شي، ركعت قدامو وسكتت
الحلاق: طيب هو شو قلك؟

فرنسيس: قللي…
مين هالحمار اللي قاصصلك شعرك!!

This entry was posted in الأدب والفن, كاريكاتور. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.