ما اكتفيت لسا بأول بوست (شاهده على هذا الرابط:هزوان الوز وزير التربية الاخونجي قال بده يطور مادة الديانة بالمدارس ما بده يلغيها ) من #هزوان_الوز
بدي وزير التربية الاخونجي او أي شيخ أو أي حدا في مخ وعم يطالب بترسيخ مادة الديانة بالمدارس يجاوبني عسؤالين بس و اذا عرف يجاوب مابقا انطق انشالله يحولوا المدرسة كلها لتخريج طلائع شريعة :
1_ اذا سأل طالب :من هم الكفار و الضالين ؟ شو رح تجاوبوه ؟ رح تكذبوا و تقولوله اللي بيعبدوا البقرة مثلاً ؟
2 _ لو سأل طالب : هل داعش كفار ؟ بتسترجوا تخالفوا الدين و تقولوله اي نعم كفار ؟
عشو راكضين ترسخوا الدين بالمجتمع و مجتمعاتنا ناقصها مليون قصة لتنحسب عالبشرية وكلهن أهم من الدين ؟
اذا انتو وقد الشناتير ما عم تعرفوا تطلعوا من ماغوصة الطوائف عشو راكضين تفوتوا اطفال ابتدائي فيها ؟
للشعب الباقي بسوريا كرمال دم كتار ما يروح عالفاضي كرمال الباقين و الجيل القادم اوعى تقبلوا بترسيخ الطائفية اوعى ترضوا بفصل البنات عن الصبيان و فصل المسيحي عن المسلم اوعى يقنعوكن انه الشعب ما بيعرف الله و بدهن يعرفوه عليه …
حكومات الوطن العربي عن مكر بدل ما يعطوكن حقوقكن بعيش كريم و كهرباء و مي و مدخول محترم بيحضروا اولادكن و احفادكن من هلق ليدفنوهم ببوتقة الدين و التاريخ و الطوائف .
اصحى يا غبي اللي مفتكر حالك متدين طالب بحقوقك و حقوق اولادك بجامعات ومدارس بمناهج يتفوق ابنك فيها .. بحدائق و ملاعب ليعيش طفولته .. بمشافي محترمة و تأمين صحي لما تحتاج توقف عابواب الجمعيات كل ما مرضت .. بصفوف لذوي الاحتياجات الخاصة .. بنشاطات ترفيهية وطنية تخلي الطفل يعشق وطنه و ما يخونه بالمستقبل قدام الدولار .
اما كتاب الديانة ابو 50 صفحة اللي بيقول بالمناطق المسيحية المسيحي يبقى بالصف و المسلم لبرا و العكس بالمناطق الاسلامية هاد الكتاب ارموه بوجه الوزارة و قولولهن نحن و اولادنا منعرف الله وانتو يا كفار اللي بحاجة تتعلموا الدين من جديد .
أي حدا في مخ وعم يطالب بترسيخ مادة الديانة بالمدارس يجاوبني
