هل تعلم منذ متى سقطت هيبة الحكومة ؟
من أول صورة لطفلة عم تلم من زبالة حاويات بلدها لتاكل .
من اول شخص قال مين ربك ولاه و ما حدا حاسبه .
من اول تلميذ رفع ايده عمعلمه وما تحاسب هو واهله لانه ابن فلان .
من اول مذيعة استغبت الشعب وقالت جموع تشكر ربها على نعمة المطر .
من لما طلعت السيدة بثينة وقالت السوريون بالالاف في تركيا بزيارة عند اقاربهم .
من لما سؤل وزير الخارجية عن الازمة بسوريا و قال : أزمة شو ؟
مع كل متحدث عالاعلام بيسخف مطالب الشعب .
مع صورة كل ام شهيد تصور معالي حدا حدها وقلها مبروك شهادة ابنك بالوقت اللي ابنه عم يشرق و يغرب ومعفي من الخدمة .
مع كل مفكر و مبتكر و عالم طفشه ابن فلان و ابن علان .
مع كل مصالحة تمت لمن تلطخت يدهم بالدماء و نسيان ابرياء بالسجون دون محاكمات .
هيبة الحكومة فارطة اساساً من المهرجين اللي عم يتناوبوا عاستلامها .
لو سكتوا اللي بالبلد مجبرين رح ابقى انا ومتلي كتار نقلكن انتو اللي هدرتوا هيبتكن و هيبة الدولة كلها ورح وقف هون لانه ما بتطلع معي قول انه هدرتوا هيبة سوريا كمان .
هل تعلم منذ متى سقطت هيبة الحكومة ؟
