ادعموا حملة “مريضاً فزرتموني” للاعلامية ماغي خزام

للنشر (( مريضاً فزرتموني ))
مشروع عمل لاول مرة بيتطبق #بسوريا على مستوى جميع مدنها و قراها الهدف منه نتطمن كل سنة بشهري ( شباط و اذار فقط ) عسلامة اطفالنا .. رح تكون للطفل السليم او اللي اهله مفتكرينه سليم من ( عمر سنة لعمر 12 سنة ) الطفل السليم رح يكسب معاينة مجانية عند اطباء مختصين و منتطمن عليه السنة و بيسجل اسمه لكل سنة اما الطفل اللي بيكون بحاجة علاج رح نساعد بقدر المستطاع بعد انتهاء الحملة بحملة اخرى بعد 3 اشهر
شارك معنا حتى اللحظة بالحملة مشكور 150 طبيب اختصاص ( عيون ، اسنان ، اطفال ، اذن انف حنجرة ، نفسي ) من ( جميع قرى وادي النصارى ماعدا رباح و برشين .. جرمانا .. دويلعة .. حمص .. كفربو .. صدد .. قمحانة .. كفرام .. محردة .. صيدنايا .. مشتى الحلو ) قدموا عياداتهم و وقتهم مجانا لاجراء معاينات فقط بمواعيد محددة وفقط للاطفال اللي بيسجلوا اسمائهم عندي .
هالمنشور لشرح الحملة بشكل عام رح انشر بعد اسبوع آلية تسجيل اطفال كل منطقة .
معنا فرق تطوعية من جميع المناطق السالفة الذكر رح اشكرهن بالاسماء قريبا مع شكر الاطباء .. (( بتمنى المشاركة سواء من متطوعين بالحملة او اطباء بمناطق ومحافظات اخرى متل الحسكة .. القامشلي .. دير الزور .. طرطوس .. اللاذقية .. حلب )) لانه بيعز عليي ينحرموا اطفال هالمحافظات من الحملة و بنفس الوقت ما بقدر ساعد اطفال ما عم يقبلوا اطباء مدينتهن يعاينوهن مجاناً .
رح يتم شرح مشروع العمل تباعاً بفيديوهات و عبر اذاعات و قنوات و صحف و مواقع مع الشكر لكل اعلاميي و صحفيي سوريا اللي ما بيوفروا جهد لاي خدمة للبلد .
البدء بأول شباط .. #مريضا_فزرتموني .. انطرونا
كل شخص منكم اليوم مسؤول امام بلده بحسب قدرته سواء نشر الحملة لتوصل للكل .. او تبليغ الاهالي اللي ماعندهن فيسبوك عنها .. او اطباء او متطوعين من ابناء المنطقة .. وشكرا سلفا لكل ايد شاركت او رح تشارك معنا .
مع محبتي : ماغي خزام

About ماغي خزام

ماغي خزام: إعلامية سورية, مدافعة عن حقوق الإنسان وناشطة على الفيسبوك, تعمل الآن على فيلم عن سوريا بهوليود مع الممثل الاميركي العالمي جيمس وودز
This entry was posted in الأدب والفن, ربيع سوريا. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.