مافيتين تعفيش نهبوا حلب و شردوا اهلها واستولوا عكل شي

اللي بده يزعل يزعل .. و آسفة اني اصدم شعب العواطف بحقيقة اللي عم بيصير بحلب .. مافيتين تعفيش نهبوا حلب و شردوا اهلها واستولوا عكل شي و لما فاحت ريحتهن .. كل مافيا من هدول الها ابواق اعلامية بيتحاموا فيها و بتدفعلهن .. فكل مافيا شغلت ابواقها ضد المافيا التانية ليرموا كل القرف عبعض و لسا بهاليومين رح تسمعوا تخوين و مدابح عجبة برمي الحق عاسماء و التعتيم عاسماء تانية . (شاهد الفيديو اسفلا).
ورح تضيع الطاسة متل ما ضاعت بكل المحافظات .. و رح يبقوا العفيشة و يمكن يترقّوا .. و الابواق رح يعلى صوتهن اكثر .. وانتو رح تضلوا هيك موجة تاخدكن و موجة تجيبكن وناطرين المخلص .. و رح يبقى الخسران هن اهل حلب متل ما كل الشعب خسر و مالقا مين يعوضه .
بالله هلق طلع حسكن عالعفيشة وصرتوا بدكن تخلصوا منهن ؟ ليش لما كنت حط صور واسماء من 3 سنين ولليوم بحمص و غيرها كنتو تنشروا انه عندي اجندة و مخطط لاحباط روح الامة ؟؟؟ تبعيتكن العمياء تثير الشفقة ..
عم ينداس عليكن وانتو من شدة الهتاف العاطفي ماعدتوا تميزوا رِجل مين عم تدوس .
علي الشلة و الباقين عليهن نص السرقات .. دوروا عالمافيا الثانية .. إما بيطلع شريف بيطالب بمحاسبة الكل او انطموا وحاج تمريق مصالح .

maghikhozam

About ماغي خزام

ماغي خزام: إعلامية سورية, مدافعة عن حقوق الإنسان وناشطة على الفيسبوك, تعمل الآن على فيلم عن سوريا بهوليود مع الممثل الاميركي العالمي جيمس وودز
This entry was posted in الأدب والفن, ربيع سوريا. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.