هذا نص طريف متداول على الفيسبوك غير معروف كاتبه شكرا له كائنا من كان
عزيزي المهاجر الى أوروبا، طبعا في حال ما متت عالطريق، يرجى أخذ العلم بما يلي:
١- هونيك (باورومبا) يعني، بدك تصف بالدور، بدك توقف عالاشارة وما تقطع الشارع متل البهيم، مافيك تبزق وتش… و تخ… بالشارع بيدفعوك مخالفة بتسواك.
٢- هونيك بدك تتعلم لغة وتروح عالمدرسة يلي بدون يسجلوك فيها وتدرس وتكتب وظيفتك وتنجح بالفحص متل الشاطر، يعني نظام انا حمار وافتخر ماااااافي.
٣- هونيك بدك تشتغل كل يوم من ٨-٥ وشغل شغل يعني مافيك تقضيها صرمحة وزيارات وصلاة وشرب قهوة وشاي.
٤- هونيك بدك تدفع فاتورة الكهربا والمي والتلفون والغاز بوقتا، سرقة خطوط وسحب وصلات ماااااافي.
٥- هونيك كب الزبالة بوقت وبمكان محدد وبكيس محدد ولازم تفرز زبالتك، يعني نظام شلف الزبالة من عالبلكون او بغير وقتا او بلا كيس عليه مخالفة مصاري وكتير كمان.
٦- هونيك يا حفيد المتنبي بدك تبعت ولادك كلللللون عالمدرسة مافيك تطلع واحد من صف الرابع وتعلمو صنعة، مافيك تطلع البنت وتقعدها بالبيت ليجئ نصيبها، بتجي الحكومة بتاخدون منك وبتربيهون هي.
٧- هونيك يا بطبوط مافيك تحجب بنتك غصبن عنها، ولا فيك تمنعها تطلع او تلبس، بتشتكي عليك عالشرظة بتحبسك.
وأخيرا رسالة للمهاجر يلي مفكر رايح يلم المصاري من عالشجر ويبهر نساء اورومبا المنحرفين اخلاقيا بفحولته بحب خبرك كل معاش بدك تدفع منو ٦٠ بالمية ضرايب، واذا ما اشتغلت متل التور عالساقية مااااااا بتشبع اكل،
اما بالنسبة للفحولة يلي فرحان فيها بحب خبرك انه نسوان هونيك ما بيعبي عينن العديم، قليل الأدب، الكذاب والوسخ واذا مفكر بيحكو كل يوم مع عشرة انت كتييييير غلطان اما اذا مفكر تتبع تكتيكاتك المبتكرة بالتحرش والتلطيش فاحسب حسابك عالترحيل.
مع تمنياتنا لكم بهجرة موفقة وإعادة تربية سعيدة
